Mafundisho

Je Unafahamu Mungu Alikuumba kwa Kusudi Gani?

 Jibu ya Biblia kuhusu hili.

Mapenzi ya Mungu ni kwamba umjue yeye vizuri, umkaribie, na kisha umpende na kumtumikia kwa moyo wako wote. (Mathayo 22:37, 38;Yakobo 4:8) Unaweza kujifunza jinsi ya kufanya mapenzi ya Mungu kwa kuchunguza maisha na mafundisho ya Yesu. (Yohana 7:16, 17) Yesu hakuongea tu kuhusu mapenzi ya Mungu, aliishi kupatana na mapenzi hayo. Kwa kweli, Yesu alisema kwamba kusudi kuu maishani mwake ni ‘kufanya, si mapenzi yake, bali mapenzi ya aliyemtuma.’— Yohana 6:38.

Je, ninahitaji ishara, maono, au wito wa pekee ili nijue Mungu aliniumba kwa kusudi gani?

Hapana, kwa sababu Biblia ina ujumbe wa Mungu kwa wanadamu. Ina kila kitu unachohitaji ili uwe na vifaa kamili kwa ajili ya kila kazi njema.(2 Timotheo 3:16, 17) Mungu anataka utumie Biblia pamoja na ‘nguvu zako za kufikiri’ ili ujifunze mapenzi yake.—Waroma 12:1, 2; Waefeso 5:17.

Je, kweli ninaweza kufanya mapenzi ya Mungu?

Ndiyo, unaweza, kwa kuwa Biblia inasema hivi: “Amri za Mungu si ngumu sana kwetu.” (1 Yohana 5:3) Hilo halimaanishi kwamba ni rahisi kufuata amri za Mungu kila siku. Lakini, faida unazopata ni nyingi sana zinapolinganishwa na jitihada zako. Yesu mwenyewe alisema hivi: “Wenye furaha ni wale wanaolisikia neno la Mungu na kulishika!”— Luka 11:28.

Like facebook page >> GOSPOMEDIA  Follow instagram page >> @gospomedia

Lads

Lads

Mimi ni Ladslaus Milanzi mwanzilishi na muasisi wa mtandao bora wa habari za kikristo, maarifa na burudani za muziki wa Injili kutoka ndani na nje ya Tanzania. Naamini nimebeba kusudi la kumtumikia Mungu na jamii kupitia chombo hiki ambacho kwa hakika kinazidi kuwa baraka kwa waimbaji, wachungaji, watu binafsi, makanisa na taasisi mbalimbali ambazo zimekuwa zikitumia chombo hiki kupata taarifa, kujifunza na kujitangaza. Mungu Ibariki Gospo Media, Mungu Ibariki Tanzania.
Wasiliana nami kupitia simu/whatsApp: +255 755 038 159.

Previous post

Video Music | Audio Music: Precious P.I - Shikilia

Next post

Audio Music: A.O Chuks – Honestly Speaking