Burudani

TAMUFO na NSSF kuwawezesha wanamuziki kiuchumi septemba 2, 2017.

Tanzania Music Foundation (TAMUFO) wakishirikiana na NSSF (Shirika la mfuko wa jamii wa taifa), wanakukaribisha kwenye  mkutano maalumu wa wanamuziki utakaofanyika tarehe 2.09.2017 yaani Jumamosi hii katika ukumbi wa NSSF uliopo Ilala Boma katika Jengo la NSSF Mafao House.

Mgeni rasmi wa mkutano huo anatarajiwa kuwa Mkuu wa mkoa wa Dar es salaam, Mh. Paul Makonda.

Akiongea na gospomedia.com mmoja wa waratibu wakuu wa mkutano huu Bi.Stella Joel amesema kuwa huu ni mkutano wa kipekee utakaohusu kufungua fursa mbali mbali za kiuchumi kwa wanamuziki wetu nchini jambo hili limejitokeza mara baada ya taasisi ya TAMUFO kuona wanamuziki mbalimbali nchini wakiwa na changangamoto mbalimbali hasa za kichumi zinasababisha kutofikia matarajio yao ya kimuziki na maisha yao kwa ujumla hali inayopelekea kukata tamaa na vipaji vyao kufa kutokana na kukosa msaada wa kiuchumi na kuzorotesha mwelekeo wa huduma zao kimuziki.

Moja kati ya fursa zinazotarajiwa kutolewa siku hiyo ni pamoja kuwawezesha wanamuziki kupata viwanja, nyumba pamoja na mafao ya Bima ya Afya, Hata hivyo kutakuwa na mambo mengine mengi wa ajili ya kuinua maisha ya wanamuziki kiuchumi. mkutano huu utaanza saa mbili asubuhi na kuendelea, chai na chakula cha mchana vitatolewa bure kabisa na hakutakuwa na kiingilio.

“Nawasihi wanamuziki, waimbaji na wadau wote wa muziki (hasa wa nyimbo za Injili) kufika katika mkutano huu muhimu ili sisi kama TAMUFO tuweze kutimiza kusudi letu la dhati kabisa katika kuinua maisha ya wanamuziki wetu nchini Tunawakaribisha sana. Alisema mratibu huyo.

Kwa maelekezo zaidi juu ya mkutano huu na jinsi ya kufika wasiliana na uongozi wa TAMUFO kupitia:

simu/whatsapp: +255 756 846 166,

 +255 767 127 256, +255 658 277 724.

Like facebook page >> GOSPOMEDIA  Follow instagram page >> @gospomedia

Lads

Lads

Mimi ni Ladslaus Milanzi mwanzilishi na muasisi wa mtandao bora wa habari za kikristo, maarifa na burudani za muziki wa Injili kutoka ndani na nje ya Tanzania. Naamini nimebeba kusudi la kumtumikia Mungu na jamii kupitia chombo hiki ambacho kwa hakika kinazidi kuwa baraka kwa waimbaji, wachungaji, watu binafsi, makanisa na taasisi mbalimbali ambazo zimekuwa zikitumia chombo hiki kupata taarifa, kujifunza na kujitangaza. Mungu Ibariki Gospo Media, Mungu Ibariki Tanzania.
Wasiliana nami kupitia simu/whatsApp: +255 755 038 159.

Previous post

Tazama Video | Download Audio: Ephy Young - Niko Sawa

Next post

Download Audio: Victor Tullo - Nimeuona Mkono wa Bwana