Habari

Kanisa la Askofu Gwajima labomolewa.

Kanisa la Ufufuo na Uzima lililopo Mbezi Inn Dar es salaam linalomilikiwa na Askofu Josephat Gwajima limebomolewa.

Nyumba hiyo ya ibada ambayo pia ilikuwa ikitumika kama kituo cha maombezi imebomolewa na Wakala wa Barabara Tanzania (Tanroads).

Imeelezwa kanisa hilo limejengwa ndani ya hifadhi ya Barabara ya Morogoro ya mita 121.5.

Kwa mujibu wa waumini wa kanisa hilo, pia limekuwa likitumika  kama kituo cha kufundishia wachungaji limebomolewa jana jioni hali iliyosababisha waumini wa Kanisa hilo kusalia nje.

Chombo kimoja cha habari kilifika katika kanisa hilo na kukuta  vitu vikiwa nje na baadhi ya waumini wakiendelea  na maombi nje.

Mmoja wa waumini ambaye hakutaka kujitambulisha kwa madai si msemaji, amesema kanisa leo limebomolewa lakini injili inaendelea kuhubiriwa kama kawaida .

“Tunaendelea na huduma na kesho tutakuwa na ibada itakayoanza saa kumi jioni “amesema.

Muumini mwingine pia amesema hali ilikuwa mbaya jana wakati kanisa hilo linabomolewa kwani waliwakuta wakiwa katika maandalizi ya kufanya maombi.

Walifika jana wakatuambia tutoe vitu, ilibidi tuache kufanya maandalizi tukatoa vitu” amesema muumini huyo huku akikataa kutajwa jina kwa kuwa si msemaji mkuu wa kanisa hilo.

Chanzo: Mwananchi

Like facebook page >> GOSPOMEDIA  Follow instagram page >> @gospomedia

Lads

Lads

Mimi ni Ladslaus Milanzi mwanzilishi na muasisi wa mtandao bora wa habari za kikristo, maarifa na burudani za muziki wa Injili kutoka ndani na nje ya Tanzania. Naamini nimebeba kusudi la kumtumikia Mungu na jamii kupitia chombo hiki ambacho kwa hakika kinazidi kuwa baraka kwa waimbaji, wachungaji, watu binafsi, makanisa na taasisi mbalimbali ambazo zimekuwa zikitumia chombo hiki kupata taarifa, kujifunza na kujitangaza. Mungu Ibariki Gospo Media, Mungu Ibariki Tanzania.
Wasiliana nami kupitia simu/whatsApp: +255 755 038 159.

Previous post

Download Official Music Audio: Juma Kyando - Ni Yesu

Next post

Download Music Audio: Foster Mtegha feat. Ester Mtegha & Baraka Mkalanga - Hallelujah