Makala

Je, Ni Muhimu Kuchunguza Aina Ya Muziki Ninaosikiliza?

Inawezekana Sikuzote wewe husikiliza muziki— unapoamka asubuhi, unapokuwa ndani ya gari, unapopumzika nyumbani, unapofanya usafi, hata unaposoma.

Je, wewe unapenda muziki ? Ikiwa hivyo, habari hii itakusaidia kuona faida za muziki, mambo ya kuepuka na jinsi ya kuchagua muziki kwa hekima.

 Faida

Kusikiliza muziki kunaweza kulinganishwa na kula chakula. Katika visa vyote viwili, ni muhimu kuzingatia aina na kiasi kinachokufaa. Fikiria hili:

  • Muziki unaweza kuboresha hisia zako.

    “hasa unapokuwa na siku mbaya, unaweza kusikiliza muziki unaoupenda na mara moja ukaanza kuhisi vizuri.”

  • Muziki unaweza kukumbusha mambo ya zamani.

    “Mara nyingi nyimbo hukumbusha jambo fulani zuri, na hilo hukufanya ufurahi kila mara wimbo huo unapochezwa.”

  • Muziki unaweza kujenga kifungo cha umoja chenye nguvu.

    “muziki unaweza kuwa chombo cha kuwauganisha watu hasa kwenye makutano mbalimbali na kuleta chachu ya umoja wenye nguvu baina yao.

  • Muziki unaweza kukusaidia kusitawisha sifa muhimu.

    “Kujifunza kucheza ala ya muziki inaweza kukusaidia kusitawisha nidhamu na subira. Ili ujue kupiga kifaa cha muziki lazima wakati upite. Njia bora ya kuboresha ustadi wa kupiga kifaa hicho ni kufanya Mazoezi kilasiku.”

Je, wajua? Kitabu kikubwa zaidi katika Biblia—Zaburi—kina nyimbo 150.

502015260_univ_cnt_1_lg

Chagua kwa makini muziki utakaosikiliza kama tu unavyochagua chakula unachotaka kula

 Mitego

Aina fulani za muziki ni kama chakula kilichochafuliwa, yaani inaweza kuwa na sumu. Kwa njia gani?

  • Nyimbo nyingi zina mashairi yanayozungumzia mambo machafu ya kingono.

    “kwa siku Inaonekana kwamba nyimbo zote maarufu zinazungumzia ngono. Siku hizi mambo hayo yanatajwa waziwazi.”

    Biblia inasema hivi: “Uasherati na ukosefu wa usafi wa kila namna au pupa visitajwe hata kidogo katikati yenu.” (Waefeso 5:3) Jiulize, ‘Je, muziki ninaosikiliza unanizuia kutii himizo hilo?’

  • Aina fulani ya muziki inaweza kukufanya uwe na huzuni sana.

    “Wakati mwingine unasikiliza muziki nyakati za usiku unaokufanya ukumbuke mambo yanayofanya uwe na huzuni na kushuka moyo. Nyimbo zenye huzuni zinaweza kukumbusha mambo yenye kuhuzunisha.

    Biblia inasema hivi: “Linda moyo wako kuliko vitu vingine vyote vinavyopaswa kulindwa.” (Methali 4:23) Jiulize hivi: ‘Je, muziki ninaosikiliza unanifanya niwe na huzuni?’

  • Baadhi ya muziki unaweza kukuchochea uwe na hasira.

    “Baadhi ya aina ya muziki unaweza kuchochea hasira, kujichukia au kuchukia wengine. unaweza kugundua tofauti kubwa sana kuelekea jinsi unavyohisi baada ya kusikiliza muziki wa aina hiyo.

    Biblia inasema hivi: “Yaondoleeni mbali mambo haya yote kutoka kwenu, ghadhabu, hasira, ubaya, matukano, na maneno machafu kutoka kinywani mwenu.” (Wakolosai 3:8) Jiulize hivi: ‘Je, nyimbo ninazosikiliza zinanifanya niwe mwenye hasira kuelekea wengine bila kujali hisia zao?’

Jambo la muhimu ni uwe mwenye kuchagua Kila mara jitahidi kuchunguza muziki unaosikiliza na kufuta aina yoyote ile ya muziki unayoona kwamba haifai. Ni kweli kwamba mara nyingi kufanya hivyo si jambo rahisi, lakini ninajua kwamba ni jambo linalofaa kufanywa.”

Shuhuda kutoka kwa msichana anayeitwa Tara anajitahidi kuwa na mtazamo huo pia. Anasema: “Wakati mwingine mimi husikia wimbo wenye mdundo mzuri katika redio, lakini ninaposikiliza mashairi ninagundua kwamba ninapaswa kubadilisha kituo cha redio. Kufanya hivyo ni sawa na kukataa keki tamu baada tu ya kuionja! Hata hivyo, ninajua kwamba ikiwa nina uwezo wa kukataa kusikiliza wimbo unaozungumzia ngono, nitakuwa na uwezo mkubwa zaidi wa kukataa kufanya ngono kabla ya kufunga ndoa. Ninajua kwamba nisipokuwa mwangalifu ninaweza kuathiriwa vibaya na muziki usiofaa.”

 fhfh

Like our facebook Page>>>> GospoMedia

Comments

comments

Lads

Lads

Mimi ni Ladslaus Milanzi mwanzilishi na muasisi wa mtandao bora wa habari za kikristo, maarifa na burudani za muziki wa Injili kutoka ndani na nje ya Tanzania. Naamini nimebeba kusudi la kumtumikia Mungu na jamii kupitia chombo hiki ambacho kwa hakika kinazidi kuwa baraka kwa watu na taasisi mbalimbali ambazo hutumia chombo hiki kupata taarifa, kujifunza na kujitangaza. Mungu Ibariki Gospo Media, Mungu Ibariki Tanzania.
Kwa mawasiliano zaidi wasiliana nami kupitia simu/whatsApp: +255 755 038 159.

Previous post

MAARIFA: FAHAMU SIRI TANO ZA KUPATA MAFANIKIO SHULENI

Next post

DOWNLOAD WIMBO MPYA KUTOKA KWA DOKII-NANI WA KUMUABUDU